/ATSH-AFP/ – Më shumë se 404 020 raste infektimi dhe 18 259 të vdekur  u regjistruan sot në 175 vende dhe territore të botës, që nga fillimi i epidemisë.

Që nga vlerësimi i bërë një ditë më parë në orën 17:00, janë regjistruar 2 113 vdekje të reja dhe 42 510 raste infektimi në mbarë botën.

Vendet që kanë njoftuar më shumë raste të reja vdekjeje në 24-orëshin e fundit janë Italia me 743 vdekje, Spanja me 514 dhe Franca me 240.

Kina (përjashtuar territoret e Hong Kongut dhe Makaos) regjistroi gjithsej 81 171 raste, përfshirë 3 277 vdekje dhe 73 159 të shëruar. 78 raste infektimi dhe 7 vdekje u njoftuan midis të hënës dhe të martës.

Që nga dita e djeshme, Arabia Saudite, Islanda, Kepi i Gjelbër, kanë njoftuar vdekjet e para nga COVID-19. Birmania njoftoi rastin e parë të infektimit.

Europa – 212 842 raste (11 921 viktima).

Azia – 98 895 raste (3 573 viktima).

SHBA dhe Kanadaja – 51 847 raste (624 viktima).

Lindja e Mesme – 29 508 raste (1 972 viktima).

Amerika Latine dhe Karaibet – 6 567 raste (98 viktima).

Afrika – 2 137 raste (62 viktima).

Oqeania 2 225 raste (9 viktima)./ //R-SR//