/24/04/2020// Nuk ka të ndaluar shtimi i rasteve të reja dhe viktimave nga pandemia Covid-19. Sipas shifrave të publikuara së fundmi, numri i të infektuarve në mbarë botën ka arritur në 2,726,195 raste.

Edhe numri i të vdekurve është rritur. Në mbarë botën janë shënuar 191 mijë e 074 viktima nga Covid-19. SHBA aktualisht numërohen 50 mijë e 243 të vdekur.

Në vend të dytë është Italia me 25 mijë e 549 të vdekur, e ndjekur nga Spanja me 22 mijë e 157 të vdekur. Në vendin e 4 renditet Franca me 21 mijë e 856 të vdekur nga Covid-19.

Ajo që bie në sy është se Spanja ka kaluar Italinë me numrin e rasteve. E para, me numrin më të lartë të rasteve është SHBA me 886 mijë e 709 raste, ndërsa Spanja parakaloi Italinë me 213 mijë e 24 raste. Vendi fqinj aktualisht ka 189 mijë e 973 raste.