Gjykata në Thesproti dënoi me burgim të përjetshëm babain shqiptar A.P, i cili në janar të 2019 vrau vajzën e tij dhe më pas e groposi në oborrin e banesës ku jetonin në Korfuz.

Po ashtu Gjykata e dënoi 52-vjeçarin edhe me 30 muaj burg dhe 1 mijë euro gjobë për mbajtje pa leje të armëve të zjarrit.

Në gjykatë ishin të pranishëm partneri i vajzës dhe vjehrra e saj, ndërsa e nëna, e cila jeton në Berat nuk mundi të ishte e pranishme në Gjykatë për shkak të koronavirusit.

Pala mbrojtëse duke u bazuar në nenet 34 dhe 36 të Kodit Penal tha se i pandehuri e kreu krimin në një gjendje të rënduar psikologjike, pas një sherri me vajzën e tij.

Si ndodhi ngjarja?

Angjeliqi Petru 28 vjeç u vra me levë nga babi i saj në 1 janar 2019, pasi nuk pranonte që të ndahej nga miku i saj një emigrant nga Afganistani.

Miku i saj, me të cilin Petru jetonte prej kohësh dhe kishte ikur nga shtëpia për tiu shmangur sherreve të shpeshta me babain e saj, ka lajmëruar policinë për zhdukjes e saj.

Babai i 28-vjeçares fillimisht nuk e pranoi, por më pas ka pranuar krimin dhe ka treguar vendin ku e kishte varrosur.///